محمد صلاح

الف مبروك يا أبو صلاح كأس بطولة الاندية الاوروبية.

محمد صلاح راجل مجتهد لايوجد شك في ده، حقيقة كل إنسان مصري أظنه بيحترم اجتهاده لكن انا بعتقد دائما ان مشواره ده خاص بيه هو مايخصش حد تاني، لان الفائدة اللي تقريبا بتعود عليك تكاد تكون معدومة للغاية.

انا حقيقة بستغرب اداء الناس وطريقة فكرهم اللي بحس دايما انها ممكن تكون سطحية ونفسي كل واحد يسأل نفسه هو صلاح بيضيفلك ايه يافندم عشان تنزل تضيع من وقتك ساعتين او تلاتة على القهوة عشان بس تشجع ابن بلدك

الدكتور مصطفى محمود من زمان اوي اتكلم في موضوع القهوة وازاي احنا لو كملنا حياتنا على القهوة هنتحول لقرود والعالم كله هسيبقنا بسنين ضوئية.

ياخي ده انا كل ما افتكر ان الاجانب سنة 2012 اكتشفوا جسيم هيجز وانا بحس اد ايه احنا حجمنا ضئيل جدا في العالم.

السؤال اللي دايما بيجي في بالي هل الناس عندها احساس بنقص النجاح او العزيمة وعشان كده بينزلوا يتفرجوا على حد بيصنع بنفسه مجد ليه وينسبوه ليهم، ويقولك شوف بقى لو وفرت لينا الامكانيات بص بقى هنبقى، فين هنبقى أسياد العالم
 كل واحد مننا تقريبا عارف إن محمد صلاح ممكن في خمس سنين ممكن يعمل مليار جنيه من وظيفته اللي انت لو قعدت حياتك كلها ممكن ماتعملش مائة الف جنيه على بعض. يعني تجيب بيهم كشك تقف بيه على الشارع لما تكبر وتعجز، والرقم ده كبير اوي أصلا على ناس كتير ومش كل الناس تقدر تعمله. المهم إنت بمجهودك إنت عملت كام وناوي تعمل إيه؟؟؟؟؟

أنا دايما بحس ان الناس أصلا في البلد دي طول الوقت مركزة في الكلام مش هيعيود عليهم بفائدة وفي الحقيقة قليل أوي اللي مركز في مستقبله.

أنا هشجع وهفضل بس المهندس اللي بيحاول وبيجتهد أو الدكتور اللي مبهدل طول الوقت وحارق دمه مذاكرة واجتهاد أو خريج كلية تجارة بيحاول وبيعمل كل اللي يقدر عليه أو حد فيزيائي ،كيميائي أو حاجة من الحاجات اللي ممكن بجد تفيدني او او تفيد الناس في العموم.

- هل صلاح يستحق التحية؟، الاجابة أكيد أيوه يافندم يستحق.

- هل بيفيدك في شئ؟، الاجابة اللي أنا عارفها إنه لا اطلاقا لان ببساطة اللي عايز يبقى حاجة بيعمل ده بنفسه وعنده امثلة كتير اوي احسن من لاعب كورة.

الكورة ممكن تكون مهمة كمتنفس مثلا بس ده لما تكون انت اصلا في مكان تاني في العالم على الاقل دول عالم تاني مثلا.