عاهات وتقاليد

مصر فيها كثير من العادات والتقاليد في مناسبات كتيرة جدا في مصر في كل مناسبة هتلاقي عادات معينة وأحيانا بتختلف في الصعيد عن الريف عن سكان العاصمة.

الافراح
في الصعيد مثلا عندهم عادة خطر جدا و هي عادة ضرب نار وكل ما يزيد ضرب النار كل مايزيد في ظنهم العزوة والقوة لدرجة إن في ناس بستخدم أسلحة ثقيلة.
من الممكن إن حضرتك تتفق معايا إن ده تصرف غريب وغير مفهوم، وأكيد حضرتك شوفت أو سمعت عن حالات كتيرة مات فيها ناس من أهل العريس أو العروسة والفرح بيقلب بغم.

حالات الوفاة 
ومن ضمن العاهات إنك تلاقي في ناس بتمارس عادة كل ما تلطم وتصوت كل ما بان أهميته عندهم ، كمان تلاقيهم بيستأجروا مقرئين من بتوع أسيادنا راضين عليك،
كمان نلاقيهم بعد أربعين يوم من دفن المتوفي بيعملوا قرص بيسموها قرص القرافة " شكلها وحش ولما تيجي تاكلها تحس إن إنت المتوفي القادم "، الغريب إنهم بيروحوا يوزعوهم في المدافن، ولما تسأل إيه الاجابة بتكون رحمة ونور.
 رحمة ونور ليه لا إنت ولا اللي عمل ولا اللي وبيوزع بيكون عارف،

شم النسيم 
عادة جاية من ثلاث آلاف سنة، في عيد شم النسيم لك أن تتخيل إن الناس بتجيب البيض وتفصل تلونه كاحتفال بالربيع، كله كوم والفسيخ كوم تخيل سمك مملح بيعمل مشاكل لصحة الناس إلا إن الناس بتحبه جدا.

الولادة
في ولادة الاطفال وبعد أسبوع واحد لازم يعملوا السبوع، تلاقيهم جايبين هون ويقولوا للطفل اسمع كلام أمك، هو لوعارف يعمل حاحة كان طرد المعازيم كلها بره.

مولد النبي 
في مولد النبي لازم تجيب حلاوة المولد وعروسة المولد.

في الاخر كل العادات والتقاليد المفروض إنها غير ملزمة للناس يعني االي عايز يعملها يعملها بدون مايكون ليها تأثير عكسي على الشخص اللي لايقوم عادة بمزاولة العادات.
إلا إن هناك عادات يجب أن تختفي زي عادة ضرب النار، وكل العادات اللي ممكن يجي منها أذى للانسان.