بمناسبة إن اليومين دول في تنسيق لطلاب الثانوي العام، كان لازم نتكلم عن مقومات النجاح في الحياة العملية.
النجاح في الحياة العملية مهم جدا في حياة كل انسان لان ده هو اللي بيضمن ليك مستقبل كويس ليك سواء كنت أعزب، أو مرتبط بأسرة.
بس النجاح عموما ليه مستلزمات
أولا : مرحلة التعليم
- مش لازم عشان نكون ناجحين في حياتنا نكون مهندسين أو دكاترة، أهم شئ إنك تكون بتحب اللي بتعمله، وعشان كده كل واحد لازم يجتهد في دراسته، لانك لو درست اللي بتحبه هتقضي وقت طويل فيه وإنت طول مش حاسس بتعب أو ملل.
- ماتدورش على حد يديك العلم بالملعقة، بمعنى ماتستناش الدكتور أو المعيد إنه ينقلك المعلومة، حاول على قد ماتقدر تجيب المعلومة بنفسك قبل أي محاضرة أو سكشن، طرق الحصول على المعلومة بقى سهل جدا من خلال جوجل أو اليوتيوب أو أي ويب نقدر من خلاله تجيب المعلومة، افتكر كل ماتتعب إنك تجب معلومة وتفهما بنفسك هتفضل طول الوقت فاكرها.
في ناس كتير جدا هتحاول بشكل مستميت إنها تحبطك لانهم مش عايزين حد ينجح على حسابهم " مش غيرة ولا حاجة بس هتلاقيهم بيخافوا يبذلوا مجهود هما كمان وده يمكن لانهم مش حابين المكان اللي هما فيه، أو لانهم مش واخدين بالهم من إن ااحياة فعليا بتبدأ بعد الكلية، وهتلاقيهم طول الوقت بيقولك مش بالمذاكرة وإن السوق مش عايز كده"، سيبك منهم وكمل طريقك، لازم تعرف إن إنت لو خرجت من الكلية بتقدير كويس الشركات الكبيرة هتبقى عايزاك ،
تاخد بالك كمان إن في ناس هتقترح عليك تذاكر اخر شهر قبل الامتحانات، لو عملت كده يمكن هتنجح، بس مش هتبقى فاهم، ويمكن بنسبة كبيرة تضيع منك فرص كبيرة لحياتك العملية كويسة هتقدرها لما تكبر.
لازم كل واحد طول فترة الصيف يقوي نفسه، ماتنساش كمان تبحث عن طبيعة العمل في المجال اللي إنت ناوي تكمل حياتك فيه، وتشوف والشركات اللي بتشتغل فيها.
دور على المنح وإدرس أكثر وقت ممكن وافتكر دايما إن إنت ممكن تكون حاجة كويسة زي ناس كتير جوا مصر وبره مصر.
ثانيا : الصبر
طول الوقت لازم تكون صبور، أكيد هتوصل، أيوه في ناس كتير فهلوية وفي ناس كتير بيجيوا بالواسطة، واحتمال يوصلوا أسرع منك، بس خد بالك هما ليهم سقف ومش هيعرفوا يعدوه، لازم تكون واثق إنك لما تجتهد هتلاقي وأكيد هيكون أحسن.
ثالثا : الهدف
لازم يكون لكل إنسان هدف، لازم تفكر إنت ناوي تكون إيه، مهم جدا يكون في خطة للنجاح بمعنى كل سنة لازم تكون أضفت ليك حاجة إنت ماكنتش تعرفها السنة اللي قبلها.
رابعا : القدوة
خلي عندك قدوة وعلق صورتها في أي مكان عشان تفضل طول الوقت عندك الحماس والاصرار اللي وصل بقدوتك للمكانة اللي بقى فيها.
لازم كل واحد يركز كمان العالم رايح فين في خلال الثلاثين سنة اللي جاية وخصوصا إن في مهن في المستقبل هتقل أو حتى هتضمحل.
بالتوفيق لكل المجتهدين.
- ماتدورش على حد يديك العلم بالملعقة، بمعنى ماتستناش الدكتور أو المعيد إنه ينقلك المعلومة، حاول على قد ماتقدر تجيب المعلومة بنفسك قبل أي محاضرة أو سكشن، طرق الحصول على المعلومة بقى سهل جدا من خلال جوجل أو اليوتيوب أو أي ويب نقدر من خلاله تجيب المعلومة، افتكر كل ماتتعب إنك تجب معلومة وتفهما بنفسك هتفضل طول الوقت فاكرها.
في ناس كتير جدا هتحاول بشكل مستميت إنها تحبطك لانهم مش عايزين حد ينجح على حسابهم " مش غيرة ولا حاجة بس هتلاقيهم بيخافوا يبذلوا مجهود هما كمان وده يمكن لانهم مش حابين المكان اللي هما فيه، أو لانهم مش واخدين بالهم من إن ااحياة فعليا بتبدأ بعد الكلية، وهتلاقيهم طول الوقت بيقولك مش بالمذاكرة وإن السوق مش عايز كده"، سيبك منهم وكمل طريقك، لازم تعرف إن إنت لو خرجت من الكلية بتقدير كويس الشركات الكبيرة هتبقى عايزاك ،
تاخد بالك كمان إن في ناس هتقترح عليك تذاكر اخر شهر قبل الامتحانات، لو عملت كده يمكن هتنجح، بس مش هتبقى فاهم، ويمكن بنسبة كبيرة تضيع منك فرص كبيرة لحياتك العملية كويسة هتقدرها لما تكبر.
لازم كل واحد طول فترة الصيف يقوي نفسه، ماتنساش كمان تبحث عن طبيعة العمل في المجال اللي إنت ناوي تكمل حياتك فيه، وتشوف والشركات اللي بتشتغل فيها.
دور على المنح وإدرس أكثر وقت ممكن وافتكر دايما إن إنت ممكن تكون حاجة كويسة زي ناس كتير جوا مصر وبره مصر.
ثانيا : الصبر
طول الوقت لازم تكون صبور، أكيد هتوصل، أيوه في ناس كتير فهلوية وفي ناس كتير بيجيوا بالواسطة، واحتمال يوصلوا أسرع منك، بس خد بالك هما ليهم سقف ومش هيعرفوا يعدوه، لازم تكون واثق إنك لما تجتهد هتلاقي وأكيد هيكون أحسن.
ثالثا : الهدف
لازم يكون لكل إنسان هدف، لازم تفكر إنت ناوي تكون إيه، مهم جدا يكون في خطة للنجاح بمعنى كل سنة لازم تكون أضفت ليك حاجة إنت ماكنتش تعرفها السنة اللي قبلها.
رابعا : القدوة
دكتور أحمد زويل الله يرحمه
دكتور علي مصطفى مشرفة الله يرحمه
دكتور حازم زغلول
لازم كل واحد يركز كمان العالم رايح فين في خلال الثلاثين سنة اللي جاية وخصوصا إن في مهن في المستقبل هتقل أو حتى هتضمحل.
بالتوفيق لكل المجتهدين.
0 comments
Post a Comment