شركات التليفونات

 أعلنت شركة سامسونج الكورية يوم الاربعاء بتاريخ ٧ أغسطس لعام ٢٠١٩ عن تليفونها الجديد Note 10  بالاضافة إلى 10 Plus في القاعة الرئيسية بمركز باركليز بمدينة نيويورك الامريكية، التليفونين كل واحد بيجي بحجم شاشة كبير ٦.٣ للنوت ١٠ و ٦.٨ للنوت ١٠ بلس، ده بالاضافة إلى معالج جديد Exynos 9825, المواصفات هتكون موجودة في أسفل المقال لمعرفة تفاصيل التليفون منقولة من موقع www.gsmarena.com
التليفونات سعرها مابين ١٠٤٩ دولار لنوع Note 10 وحوالي ١٢٥٠  دولار لنوع  Note 10 plus
في المقال ده إحنا مش هنتكلم على المواصفات لكن حقيقة واستكمالا لموضوع براءة اختراع شركة شاومي الصينية الخاص بالتليفونات اللي هتستخدم الطاقة الشمسية كبديل للشواحن السلكية واللاسلكية،  لازم يكون لفت انتباهك إن شركات التليفون على قد إن عندها نجاح مبهر في التسويق وكفائته العالية، إلا إن كل شركة منهم بتعمد على البحث العلمي. 

هما كل سنة بيعتمدوا على إن الموظفين هيخترعوا جديد من أجل البقاء كمنافس في السوق، فمثلا شركة oppo تطلع كاميرا بماتور عشان الشاشة كلها تكون كاملة بدون ازعاج الكاميرات الامامية، شركة شاومي ترد إنها موجودة بقوة في المنافسة العلمية دي وتسجل براءة اختراع، تقوم سامسونح مطلعة شاشة جديدة وبريسيسور جديد وهكذا " بالطريقة دي شركة أبل تقريبا هتخرج من السوق لانها مش عارفة تنافس في السعر ولا حتى التكنولوجيا"، وفي النهاية احنا كمجتمع بنستمتع بالتكنولوجيا بس، وعلى قد ما المفروض إن إنت تكون متفاءل بإن الجيل القادم ممكن يطلع منه حاجة أحسن من كل الاجيال السابقة وخصوصا إن الحصول على المعلومات والمعرفة بقى أسهل بكتير جدا من قبل كده، إلا إن كلمة إننا بنستمتع بس محبطة جدا.
في حلول مهمة جدا عشان ندخل في وسط الموجة.

أولا : منهجية التعليم في القطاع الحكومي والخاص لازم تهتم بالبحث العلمي اللي أرقامه لحد دلوقتي صغيرة أمام العالم.

ثانيا : كل شركة لازم يكون فيها مجموعة من الموظفين مهمتهم الاختراع وتطوير المنتجات.

ثالثا : الاهتمام بالتصنيع مش التجميع.

رابعا : الموظف لازم يحصل على حقوقه في عمله كاملة.

خامسا : مطلوب من كل شركة سواء في القطاع الخةص أو الحكومي بتبني مجموعة من الموظفين وخريجي الكليات وطلبة المرحلة الثانوية وارسالهم للتعليم بالخارج والحصول على درجات الماجستير والدكتوراة مع ضمان عودتهم لمصر.

مواصفات Note 10

الشاشة الدقة بتاعتها ١٠٨٠ × ٢٢٨٠ وده معناه ان الشاشة فيها ٧ مليون ونص ترانسيستور تقريبا. " إنت واخد بالك من الرقم ؟"

مواصفات Note 10 plus  

الموضوع ليه أبعاد ثانية كتيرة، وممكن نقولها في مقالات تانية.