دنيا الشحاتين

سنة 2010 تعرضت أنا وأحد أصدقائي م ص د . لحادث سيارة حيث أنه كان يمتلك سيارة من نوع رينو كليوو ، يومها اصتضمنا بعربية من ندع ديهاتسو ٨ راكب على مطلع كوبري أكتوبر من عبد المنعك رياض بالتحرير ولان صديقي كان شاري السيارة غالبا بالقسط ف بالتالي السيارة مؤمن عليها روحنا قسم قصر النيل بعد خناقة صغيرة كده وهناك أنا لاقيت واحد جتة ضخم جدا ولابس بالطوا أو اتنين، الراجل أخرس و مرمي جوا القسم على الارض.

بعد شوية وصل الظابط أظنه مقدم وعميد لان كان معانا واسطة الراجل دخلنا مكتبه وقعد يتكلم معانا على إن الراجل اللي مرمي على الارض ده شحات وعامل نفسه اخرس ومتجوز اتنين وقالنا هوريكوا وفضل يضربه جامد ويقوله اتكلم والراجل ولا كانه حاسس لانه زي ماقلتلكم لابس بالطو تقيل أو اتنين الجو اصله كان شتاء واكيد كمان كان شارب حاجة عشاه يقلل الاحساس عنده ده بالاضافة إلى إن الراجل متعود على الزيارات، وبعدها طلب الظابط من الامين يفتشه،  والله والله والله طلع من جيبه فلوس كتير والامناء قعدوا يعدوهم وفي الاخر قالوا 860جنيه، خدوا بالكم الكلام ده سنة ٢٠١٠، يعني لما كان الدولار بخمسة جنيه.

الخلاصة فيلم عادل إمام " المتسول " ده حقيقة،

 في مصر الشحاتين ليهم مناطق وكل منطقة ليها ريس وبيقسموا التركة وهما كمان اللي كانوا بيسرقوا الاطفال عشان يتاجروا بيهم او يخليهم يشحتوا وهما منهم حرامية الشوارع اللي ممكن يسرق ابويا ابوك او امي او اي حد، ومنهم السياس ودول هنتكلم عليهم في مقال لوحدهم.
لذلك انا عمري مابدي للناس دي اي حاجة ونرجو من الناس تعمل كده. 

أكيد إنت تعرف بواب غلبان او صاحب أسرة بيعاني أظن هو ده اللي انت لازم تدور عليه عشان تديله حاجة.